Четврто обвинение за Груевски – На 24 јануари седнува на обвинителна клупа за уривањето на „Космос“

Никола Груевски, екслидерот на ВМРО-ДПМНЕ, на 24 јануари во 10 часот седнува на обвинителна клупа, дознава „Макфакс“. Закажно е судење за предметот „ТНТ“ за уривањето на станбениот комплекс Космос на бизнисменот Фијат Цаноски.

Ова е четврто обвинение за кое се товари Груевски, по „Насилство“, „Траекторија“ и обвинението за „Тенк“. Останува неоценето обвиенението за предметот „Титаник“. Според АКМИС-от, предметот треба да го суди судијата Ивица Стефановски, но поради рокот за приговори поради годишниот распоред на судии до Врховниот суд, се очекува промена. Покрај Груевски, во овој предмет обвинет е ексминистерот за транспорт Миле Јанакиески, ексградоначалникот Тони Трајковски и уште 4 лица. Тие се обвинети за злоупотреба на службената положба и овластување. СЈО за нив има докази на 29 страници, меѓу кои се прислушувани разговори.